تورکجه گؤزل بیر شعر آتماز آدیله

 

« آتماز »

چوخ داش آتیلار ، هر آغاجین میوه سی اولسا

دیوانه ده هئچ سروه  ، گولوم داشینی آتماز

نامردلره خرج ایله مه گل شعرینی شاعیر

البته کی زرگر چوله داشقاشینی آتماز

آرواد نه قدر اولسا مسلط ده ، یقین بیل

قان قیدینی یئرتیب ، کیشی قارداشینی آتماز

دونیا چوغولو اولسادا ، هر قاینانا بالدیز

آرواددا اگر ذات اولا ، سیرداشینی آتماز

نامرد آدامین سوفره سینه ، مرد یاراشماز

هئشترخان اولا سوفره ده ، بوزباشینی آتماز

یوسف کیمی نامحرم اگر قارشینا چیخسا ؛

عیصمت لی قادین ، بللی دی گوز قاشینی آتماز

«تورکون دیلی تک سئوگیلی ایستکلی دیل اولماز»

غیرتلی اولان تورک ده ، دیلداشینی آتماز

" انباز"ا دا یولداشلاری جانیندن عزیز دیر

جان قوربان ائدر یولداشا ، یولداشینی آتماز

 

انباز بی" بلاقیندان

 

/ 0 نظر / 10 بازدید